ਉੱਘੀ ਫਿਲਮੀ ਹਸਤੀ ਭਾਈ ਅੰਮ੍ਰਿਤਪਾਲ ਸਿੰਘ ਬਿੱਲਾ ਦਾ ਲੰਬਾਰਦੀਆ ਸੂਬੇ ਦੇ ਨਾਮੀ ਭਾਰਤੀ ਰੈਸਟੋਰੈਂਟ ਰੀਗਲ (ਬਰੇਸ਼ੀਆ)ਪਹੁੰਚਣ ਤੇ ਸੀਨੀਅਰ ਅਕਾਲੀ ਆਗੂ ਲਖਵਿੰਦਰ ਸਿੰਘ ਵੱਲੋਂ ਨਿੱਘਾ ਸਵਾਗਤ

ਬਰੇਸੀਆ(ਕੈਂਥ)ਦੁਨੀਆਂ ਵਿੱਚ ਵਿਰਲੇ ਹੀ ਅਜਿਹੇ ਸਖ਼ਸ ਹੁੰਦੇ ਹਨ ਜਿਹੜੇ ਆਪਣੀ ਕਲਾ ਨਾਲ ਕੌਮ ਲਈ ਮਾਣ ਦਾ ਸਵੱਬ ਬਣਦੇ ਹਨ ਉਹਨਾਂ ਸਖ਼ਸੀਅਤਾਂ ਵਿੱਚ ਇੱਕ ਨਾਮ ਆਉਂਦਾ ਉੱਘੇ ਪੰਜਾਬੀ ਹਿੰਦੀ ਫਿਲਮਾਂ ਦੇ ਅਭਿਨੇਤਾ ਅੰਮ੍ਰਿਤਪਾਲ ਸਿੰਘ ਬਿੱਲਾ ਦਾ ਜਿਹਨਾਂ ਸਿੱਖੀ ਸਰੂਪ ਵਿੱਚ ਪੰਜਾਬੀ ਹਿੰਦੀ ਫਿਲਮਾਂ ਵਿੱਚ ਆਪਣੀ ਵੱਖਰੀ ਪ੍ਰਭਾਵਸ਼ਾਲੀ ਤੇ ਗੌਰਵਮਈ ਪਹਿਚਾਣ ਬਣਾਕੇ ਸਿੱਖ ਸਮਾਜ ਦੀ ਬੱਲੇ-ਬੱਲੇ ਕਰਾਈ ਹੈ।

ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਇਟਲੀ ਦੇ ਉੱਘੇ ਕਾਰੋਬਾਰੀ ਸਮਾਜ ਸੇਵਕ ਤੇ ਸ਼੍ਰੋਮਣੀ ਅਕਾਲੀ ਦਲ ਐਨ,ਆਰ,ਆਈ ਵਿੰਗ ਇਟਲੀ ਦੇ ਸਕੱਤਰ ਜਨਰਲ ਲਖਵਿੰਦਰ ਸਿੰਘ ਡੋਗਰਾ ਵਾਲਾ ਨੇ ਲੰਬਾਰਦੀਆਂ ਸੂਬੇ ਦੇ ਮਸ਼ਹੂਰ ਪੰਜਾਬੀ ਭਾਰਤੀ ਰੈਸਟੋਰੈਂਟ ਰੀਗਲ (ਬਰੇਸੀਆ)ਵਿਖੇ ਅੰਮ੍ਰਿਤਪਾਲ ਸਿੰਘ ਬਿੱਲਾ ਦਾ ਨਿੱਘਾ ਸਵਾਗਤ ਕਰਦਿਆਂ ਪ੍ਰੈੱਸ ਨਾਲ ਕੀਤਾ।ਡੋਗਰਾ ਵਾਲਾ ਨੇ ਕਿਹਾ ਕਿ ਬਿੱਲਾ ਨੂੰ ਸਿੱਖੀ ਸਰੂਪ ਵਿੱਚ ਅਭਿਨੈ ਕਰਦੇ ਦੇਖ ਹੋਰ ਵੀ ਬਹੁਤ ਸਾਰੇ ਸਿੱਖੀ ਸਰੂਪ ਵਾਲੇ ਕਲਾਕਾਰਾਂ ਦਾ ਹੌਸਲਾ ਵਧਿਆ ਹੈ।

ਇਸ ਮੌਕੇ ਅੰਮ੍ਰਿਤਪਾਲ ਸਿੰਘ ਬਿੱਲਾ ਨੇ ਰੀਗਲ ਰੈਸਟੋਰੈਂਟ ਬਰੇਸ਼ੀਆ ਪਹੁੰਚਣ ਮੌਕੇ ਹੋਏ ਸ਼ਾਨਦਰ ਨਿੱਘੇ ਸਵਾਗਤ ਲਈ ਕਿਹਾ ਕਿ ਉਹ ਬਹੁਤ ਮਸ਼ਕੂਰ ਹਨ ਇਸ ਮਹਿਮਾਨ ਨਿਵਾਜੀ ਲਈ ਤੇ ਨਾਲ ਹੀ ਇਹ ਵੀ ਇੱਕ ਫਖੱਰੀਆ ਗੱਲ ਵੀ ਹੈ ਕਿ ਪੰਜਾਬੀਆਂ ਨੇ ਇਟਲੀ ਦੀ ਧਰਤੀ ਪੰਜਾਬੀਅਤ ਤੇ ਪੰਜਾਬੀ ਭਾਈਚਾਰੇ ਦੀ ਰੰਗਤ ਨਾਲ ਰੰਗ ਦਿੱਤੀ ਹੈ।ਇਸ ਮੌਕੇ ਬਿੱਲਾ ਨੇ ਲਾਜਵਾਬ ਭਾਰਤੀ ਪੰਜਾਬੀ ਖਾਣਿਆ ਦਾ ਸੁਆਦ ਚਖ਼ਦਿਆ ਕਿਹਾ ਕਿ ਇਵੇਂ ਲੱਗਦਾ ਜਿਵੇਂ ਉਹ ਇਟਲੀ ਨਹੀਂ ਪੰਜਾਬ ਵਿੱਚ ਬੈਠੇ ਹਨ।ਇਸ ਮੌਕੇ ਜਗਬੀਰ ਸਿੰਘ ਡੋਗਰਾ ਵਾਲਾ,ਜਗਮੀਤ ਸਿੰਘ ਦੁਰਗਾਪੁਰ ਤੇ ਪਰਮਜੀਤ ਸਿੰਘ ਜੋਸਨ ਯੂ ਕੇ ਨੇ ਵੀ ਅੰਮ੍ਰਿਤਪਾਲ ਸਿੰਘ ਬਿੱਲਾ ਦਾ ਨਾਲ ਵਿਸੇ਼ਸ ਮਿਲਣੀ ਕੀਤੀ।